A iniciativa Agra Civis ponse en marcha na Agra do Orzán
“Un proyecto horizontal construido desde la base, en el que sectores tradicionalmente ‘sin voz’ cobrarán protagonismo en la generación de soluciones para mejorar el bienestar social y económico de su entorno, tomando las riendas de su ciudadanía.
Con Agra Civis, las 30.000 personas que conforman el vecindario del Agra do Orzán podrán abrir un proceso de descubrimiento y afirmación de su propia identidad como comunidad, intensificando su participación a través del asociacionismo y de la toma de decisiones. ”
Desta forma tan clara e ao tempo tan ambiciosa é que se posiciona e se explica a si mesma Agra Civis, a iniciativa financiada con 90.000 euros polo Programa Cidadanía Activa e que impulsa a ONG Ecos do Sur coa intención de “crear bienestar y desarrollo socioeconómico gracias a la coordinación y fortalecimiento de las asociaciones de Agra do Orzán y de la creación de espacios de encuentro y debate.”
Seis son as entidades participantes no proxecto: Ecos do Sur, Viraventos, Mestura, Cuarto Sector, Juan Soñador – Teranga e Manicómicos, cada unha das cales pon en marcha un proxecto particular dentro de Agra Civis. Deste xeito, Viraventos responsabílizase do programa Tecendo redes, que busca a integración laboral e social das mulleres inmigrantes da Agra do Orzán; a fundación Juan Soñador impartirá talleres para o desenvolvemento de habilidades sociais e creativas da mocidade do barrio; a ONG Mestura realizará asembleas cidadás para diagnosticar os problemas sociais que se dan no noso entorno e canalizar e fomentar a participación veciñal no desenvolvemento comunitario; a organización Cuarto Sector, da man do colectivo madrileño Cimas, porá en marcha unha iniciativa de empoderamento de líderes e decisores sociais e, finalmente, a compañía teatral Manicómicos traballará a abordaxe de problemas como a discriminación machista ou a racial a través do programa Narrando en prata.
Desde a Biblioteca Ágora saudamos a Agra Civis, que desde o último trimestre do ano pasado se veu sumar a outras dinámicas de participación postas en marcha nos últimos anos cun enfoque similar, desde Suma Ágora a Música en Branco ou Nós facemos Agra. Ao tempo, e retomando o espírito inicial co que a Biblioteca foi concibida, poñémola novamente a disposición como espazo de encontro e de interrelación para as persoas e os colectivos da nosa contorna.
Acerca de xavier campos
Suma Ágora 
¡Hola, amigos/as! ¡Muchas gracias por la difusión!
Graciñas a vós pola iniciativa e moita sorte no seu desenvolvemento. Estamos aquí para o que precisedes.
Pingback: Agra Civis, que barrio queremos? | Suma Ágora