PROXECTOS

Na liña de traballo de Suma Ágora encádranse toda unha serie de proxectos que fomos realizando desde a nosa apertura. Todos eles teñen en común estaren deseñados co obxectivo de afianzar a utilidade e o servizo que como biblioteca pública prestamos ás entidades, aos colectivos e á veciñanza en xeral da nosa contorna.

Os destinatarios das mesmas son diversos: das asociacións de todo tipo aos colexios de primaria, das bibliotecas escolares ás veciñas e veciños interesados no coñecemento do propio barrio, dos centros de ensino de secundaria aos colectivos de carácter social ou cultural que operan na nosa contorna. E sempre cun desexo compartido: traballarmos a estima polo propio, a partir do seu coñecemento e posta en valor.