Libros Vivintes e Alfabetización Informacional no IES Agra I

Sesión previa co grupo 4ºB ESO

Nos últimos anos, a Biblioteca Ágora ven de desenvolver a proposta Libros Vivintes na súa aposta por traballar cos institutos da contorna e facer da súa relación con eles, unha biblioteca vivida, accesible á mocidade e cercana ás historias de vida dos seus veciños e veciñas.

Nesta ocasión, e con motivo da posta en marcha dun programa de alfabetización informacional (ALFIN) para o alumnado deste mesmo centro, pensamos sería un bo xeito de empatar ambos obxectivos no senso de reforzar a idea de biblioteca humana orientada ás persoas de Libros Vivintes, coa formación e aprendizaxe da alfabetización informacional, compartindo recursos e servizos que están a disposición do alumnado e dos que pretendemos coñezan o máximo posible.

Unha breve mostra da presentación

https://prezi.com/8ethxzdqilda/papel-da-biblioteca/

Sesión previa 4º C-D ESO

Con ese obxectivo, achegámonos ao instituto Agra I, para compartir con todo o alumnado de 4º da ESO unha sesión previa de abordaxe da proposta de Libros Vivintes, e dar os primeiros pasos no manexo e uso da biblioteca. E se ben é certo, que a alfabetización ten como finalidade crear persoas capaces de atopar, avaliar e usar a información para resolver problemas e tomar decisións, usando ou sen usar a biblioteca, nós comezamos por dar os primeiros pasos para identificar o problema e poñérmonos en común algúns dos recursos que como biblioteca temos.

Ademais este ano ao fío de Libros Vivintes,  e formando parte dunha programación para solidarizármonos co 25N, Día Internacional de Eliminación da Violencia contra a Muller, as persoas protagonistas dos nosos libros achegarán interesantes historias de vida para divulgar unha mensaxe de loita dende diferentes perspectivas.

Podedes consultar toda a programación na axenda e participar na campaña que lle da nome "Pinta o teu mundo de laranxa", un bo exemplo é David Sobrino, alumno do Agra I.

Pero para que a proposta de Libros Vivintes cobre vida, é preciso que todo o alumnado participe e seleccione o título que maior interese lle suscitara. Para iso, non esquezades entrar no seguinte enlace, onde poderedes deixar constancia da vosa escolla.

Pincha aquí: https://docs.google.com/forms/d/1nFlUd0ulksYqJvvcYmFvh_0AV8Jz7CLxysTiWUHIlHc/viewform

E xa para rematar, non podemos máis que dar as grazas á dirección e profesorado do IES Agra I pola implicación que están a manifestar na súa colaboración coa biblioteca e co proxecto Suma Ágora. Grazas a tod@s e específicamente á equipa da biblioteca escolar, porque BiblioAgra-O blog da biblioteca escolar do IES Agra do Orzán comezou a dar os primeiros pasos, nós apareciamos hoxe por alí, e de seguro serán moitas as referencias que desta labor deamos ao longo deste mes de novembro que compartiremos con tod@s vós.

Sempre un pracer!

Acerca de evavieites

Bibliotecaria. Creo na biblioteca como experiencia social positiva. Un espazo para todo o mundo e o que implica en calquera contexto: prosperidade para todas as persoas.

Ver todos os artigos de evavieites →