A Biblioteca Ágora…é túa!

Ola a todos e todas!

Comezamos querendo transmitir desde xa o noso entusiasmo e o noso compromiso cunha idea: esta Biblioteca é túa, vosa, nosa, de todos e todas.  Dos veciños e veciñas da Coruña, mais moi especialmente da veciñanza da contorna máis próxima: a Agra da Orzán, o Ventorrillo, Peruleiro, Mariñeiros, Visma, A Silva, Cances, …

Este domingo 29 de xaneiro abrimos as portas e queremos enchernos de vida, das vosas vidas. Gustaranos ser útiles, ser parte do barrio e ser un elemento positivo para o mesmo. Nos vindeiros meses irémonos coñecendo máis polo miúdo, vide visitarnos. Esta Biblioteca é vosa e vós sodes os e as protagonistas.

Hoxe deixámosvos con Lorena e Irene, dúas amigas e novas usuarias da nosa sala infantil.